Iloilo City District Engineering Office Head Engr. Rodney Gustilo Nag-Ako Nga May Mga Delayed Nga Road Repair Projects Sa Syudad Pero Ahensiya Hugot Nga Nagamonitor Sa Mga Proyekto Suno Kay Gustilo

Iloilo City — May mga delayed nga road repair projects sa syudad. Gin-ako ini ni DPWH Iloilo City District Engineering Office ukon ICDEO head Engr. Rodney Gustilo kasunod sang mga reklamo sa wala pa matapos nga mga ginakay-o nga dalanon.

Suno kay Gustilo, ginamonitor nila ang mga proyekto agud masiguro nga indi maglab-ut sa 50% ang slippage ukon delay. Gina-evaluate man sang ahensya kon ngaa indi masunod sang contractor ang skedyul sa pagtapos sang proyekto.

Ginpasiguro naman ni Gustilo nga wala nila ginapabay-an ang mga road repairs agud masiguro nga masunod ang maayo nga kalidad sang pag-obra.

Suno pa kay Gustilo, may quality assurance inspection department sila nga nagabantay sa ginakay-o nga mga karsada.

(att)