Tul-an sang Ilonggo OFW nga nasapwan sa water purifying tank sa South Korea, ginlubong na

Cabatuan, Iloilo–Ginlubong na ang Ilonggo OFW nga nasapwan sa water purifying tank sa South Korea.

Ginlubong sa Cabatuan Municipal Cemetery las-2 kaina sang hapon ang mga tul-an ni Angelo Cleveria, 34-anyos kag tumandok sang Rizal Ilaya, Poblacion sang amo nga banwa.

Natalana nga magkadto si Presidente Rodrigo Duterte sa South Korea sa Hunyo 3 kag lakip sa ipalab-ot niya sa gobyerno ang paghatag hustisya sa kamatayon ni Claveria.

Base sa impormasyon, mga Filipinos man nga kaupod sa trabaho ni Claveria ang nagpatay sa iya. Nagalaum ang pamilya Claveria nga mahatagan sang madasig nga hustisya ang natabu sa OFW. (AGB)