City Hall, isa na ka semana nga wala sang tubig; MIWD, nagrason nga guba ang ila nga truck rason nga wala naka-deliver sang tubig

Iloilo City — Malapit isa ka semana na nga wala sang tubig sa Iloilo City Hall. Suno kay Building Administrator Victor Facultad, Lunes pa ang katapusan nga delivery sang Metro Iloilo Water District kag gintumod nga rason nga guba ang truck sang water district.  Indi man regular ang tubod halin sa linya sang MIWD.

Kulang naman suno kay Facultad ang duha ka tankers nga gina-deliver sang City Engineer’s Office.  Nagrequest si Facultad nga himuon tatlo ka trucks ang i-deliver agud madugangan man ang supply.

Samtang ginproponer ni Facultad ang recycling project nga i-treat ang tubig agud indi na magdeliver ang MIWD.  (JoMaque)