9 pesos nga minimum fare sa mga jeep sa syudad, wala pa na-aprubahan sang LTFRB

Iloilo City — Nagpahanumdom si Iloilo City Loop Alliance of Jeepney Owners and Drivers Association ukon ICLAJODA president Raymundo “Boyet” Parcon sa mga jeepney drivers nga indi anay manukot sang Php 9 nga minimum fare sa syudad.

Suno kay Parcon, icheck pa niya sa Land Transportation Franchising and Regulatory Board ukon LTFRB VI bwas kun matuod nga gin-aprubahan na sang central office sang ahensiya ang ginfile nila nga petition nga nagahingyo sang Php 2.50 nga saka sa regular nga plete nga Php 6.50.