PSTMO, madeploy sang clearing team nga manghawan sang obstruction sa dalanon malapit sa eskuwelahan
Iloilo City — Magadeploy sang clearing team ang Public Safety and Transportation Management Office sa mga karsada malapit sa mga eskwelahan agud mahawanan ang dalanon sa mga naga-illegal parking kag iban pa nga obstruction.
Suno kay PSTMO Head Jeck Conlu, temprano nga ideploy ang clearing team antes ang pagsulod sang mga estudyante sa klase.
Ginhalimbawa ni Conlu ang dalan sa atubang sang Central Philippine University nga hawanan agud matawhay ang dalagan sang mga salakyan.
Ginpahayag ni Conlu nga mangin adlaw-adlaw ang operasyon sang team kon magbukas na ang mga klase sa kolehiyo. (JoMaque)