Lalaki nga nagsaulog sang birthday kahapon, patay sa aksidente sa motorsiklo sa Molo kaina sang kaagahon

Iloilo City–Patay ang lalaki nga nagsaulog pa sang iya birthday kahapon matapos naaksidente sa ginasakyan nga motorsiklo sa East Baluarte, Molo kaina sang kaagahon.

Ginkilala ang napatay kay Florencio Deguia, 39 anyos sang Jaro. Suno kay PO2 Van Erick Solarte, imbestigador sang Molo Police Station, kaupod ni Deguia si Ariel Bantario, 22 anyos sang West Habog-Habog, Molo, kag isa pa nila ka abyan nga nakaluwas.

Ginpahayag nga naglapaw sa ila lane ang motorsiklo sang biktima gani nakabunggo sa nasugata nga depasahero nga jeep nga may biyahe Calumpang kag ginamaneho ni Leo Villa.

Sa impormasyon nga nakuha sang police, nag-inom sa Calumpang ang tatlo kag papuli na sang natabu ang aksidente. (AGB)