Contractor sang detention tank project sa Jalandoni Street, City Proper, gin-isyuhan sang notice of termination bangud sa madugay nga pag-obra sang proyekto
Iloilo City — Gin-isyuhan sang notice of termination sang Department of Public Works and Highways (DPWH 6) ang Sargasso Construction bangud sa delayed nga pagtrabaho sa detention tank sa Jalandoni Street, City Proper.
Suno kay Engr. Mavie Gustilo, tubtub Mayo 29 lang ang kontrata apang wala gihapon nakatapos ang contractor.
Hatagan pa sang due process ang contractor suno kay Engr. Gustilo kag ginalauman nga maga-reply ini sa masunod nga semana agud magpaathag kun ngaa indi sila pag-iterminate.
Apang suno kay Gustilo, nagpangayo sang extension nga 103 days ukon tubtub sa Setyembre 9 ang pagtapos sang proyekto.
Kon maaprobahan suno sa iya sang DPWH Central Office ang extension, indi na madayon ang termination. (JoMaque)