Supplier sang ready-mixed concrete nga ginabuhos sa mga gina-obra nga karsada sa Iloilo, nagpasiguro nga nasunod nila ang standard sa ginadeliver nga supply sa mga contractors

Iloilo City — Ginpanindugan sang Kimwa Iloilo, isa sa mga suppliers sang ready-mixed concrete sa Iloilo, nga nasunod nila ang standard sa ginadeliver nga supply sa mga contractors.

Suno kay Mr. Zoe Jagolino, batching plant supervisor sang Kimwa Iloilo, ginatinluan nila ang balas kag bato. Ginasiguro suno sa iya nga wala sang iban nga particles pareho sang dalipe, duta kag iban pa nga higku. Pagkatapos sini, ginabutang sa separado nga screen ang balas kag bato kag ginapapiswitan sang tubig. Kon limpyo na, ginapaagi sa crasher ang bato agud magpareho ang kadakuon.

Base sa ginasunod nga standard sang Kimwa, dapat nga isa ka saku sang semento, duha ka saku sang balas, tatlo ka saku sang bato kag 17 ka litro sang tubig ang gina-mix. (JoMaque)