Police nga nagbalik sang kahita nga naga-unod sang daku nga kantidad, pasidunggan sang ICPO

Iloilo City — Pasidunggan ni Iloilo City Police Office Director Senior Supt Henry Biñas ang pulis nga nagbalik sang kahita nga may unod nga daku nga kantidad sang kuwarta sa tag-iya.

Suno kay Biñas, hatagan niya sang award si PO3 Manuel Porras nga assign sa Lapaz Police Station sa flag ceremony sa Lunes.  Dalayawon kag tumalagsahon ang ginhimo ni PO3 Porras suno sa ICPO Director kag nagakabagay lang nga kilalahon.

Ginkalipay ni Ely Hautea, finance officer sang Milagrosa Shipping Lines nga nabalik  ang iya wallet nga may unod nga 43 mil 500 pesos nga nahulog samtang nagasakay siya sa motorsiklo. Nakita ni PO3 Porras ang wallet samtang nga nagalakat ini papuli. (JoMaque)