Drainage Sa Tatlo Ka Lugar Sa Syudad, Gintutukan Sang Oplan Tag-Ulan Team Sang City Government

Iloilo City — Nag-operate ang Oplan Tag-Ulan Team sang City Government paagi sa pag-declog sang mga drainage sa syudad.

Gintutukan sang team ang Oñate-De Leon sa Mandurriao kag Mabolo-Delgado kag Iloilo Terminal Market sa City Proper.

Natapos na ang declogging sang drainage canal sa Mabolo-Delgado kag base sa assessment ni City Administrator Hernando Galvez, madamo nga sebo, plastic bottles kag plastic cups nga nakuha gani nga barado kag masami nagabaha.

Lunang kag bato naman ang nakuha sa drainage sa Oñate-De Leon. Natalana man buksan sang team ang portion sang drainage malapit sa simbahan sa Mandurriao bangud nakita nga barado pa.

Masunod nga tutukan sang Oplan Tag-Ulan Team ang Iloilo Terminal Market.

(att)