Checkpoints Kag Pagpatrolya Batuk Sa Istambay, Pabaskugon Pa Sang PRO VI

Camp Delgado, Iloilo City –Mas pabaskugon sang Police Regional Office VI ang pagconduct nila sang checpoint kag pagpatrolya kasunod sang mandu ni Presidente Rodrigo Duterte nga paghawan sa sa mga “istambay” sa mga karsada.

Suno kay PRO VI  Director Chief Superintendent John Bulalacao, natalana siya magpapanaug sang direktiba sa mga provincial directors natuhoy sa lihok  subong nga adlaw bisan wapa pa nakapapauag sang direktiba halin sa Kampo Crame natuhoy diri.

Gilayon naman nga i-implementar ang paghawan sa mga “istambay” sa mga karsada suno kay Bulalacao.

Makabig nga istambay ang natungdan kun halos tatlo ka oras na sila nga nagatenir sa lugar suno kay Bulalacao kag naga-obserbar lang sa mga pumuluyo nga nagalabay.

Una na ginpahayag sang opisyal nga kalabanan sa mga naga-istambay ang mga snatcher, pickpocketer kag hold-uper.

(att)