SK Federation President-Elect Sa Probinsya Nagsabat Sa Pahayag Nga Ginahimo Lang Nga Kurakot Ang Mga SK Officials

Estancia, Iloilo — Nagsabat ang napilian nga Sangguniang Kabataan Federation President sa probinsya angut sa pananawan sang publiko nga ginahimo lang nga kurakot ang mga SK officials.

Suno kay Ms. Bianca Requinto, 21-anyos kag tumandok sang Estancia, Iloilo, ginahusgaran na sila nga mga SK officials samtang wala pa nakapungko sa posisyon.

Kuntani hatagan man sila sang kahigayunan suno kay Requinto para maipakita ang ila mabulig sa pungsod.

Magluwas sa sports development, plano ni Requinto nga i-edukar ang mga pamantan-on natuhoy sa malain nga konsekwensiya sa paggamit sang illegal nga druga kag reproductive awareness lakip ang pagduso sa livelihood programs kag iban pa.

Natalana magsumpa si Requinto sa posisyon kadungan sa mga barangay kag SK officials sa Hunyo 30.

(att)