P9 nga plete sa depasahero nga mga jeep sa syudad kag probinsya, gin-aprubahan sang LTFRB; bag-o nga fare matrix, posible mapaguwa sa masunod nga semana

Iloilo City–Mahimo na nga nueve pesos (P9) halin sa P6.50 ang plete sang regular nga pasahero sa depasahero nga mga jeep sa syudad kag probinsya.

Ginconfirmar ni Mr. Raymundo ‘Boyet’ Parcon nga gin-aprubahan sang Land Transportation Franchising and Regulatory Board ang ila petition for fare hike kag ginahulat na lang ang fare matrix agud ma-implementar. 20 porsyento ang diskwento sa mga estudyante, senior citizens kag persons with disabilities suno kay Parcon.

Posible suno kay Parcon nga ma-implementar ang bag-o nga pletehan sa masunod nga semana kon mag-abot ang fare matrix.

Nagfile sang petition ang ICLAJODA upod sa iban pa nga transport groups bangud sa pagsaka sang presyo sang gatong kag mga spare parts sang salakyan. (AGB)