(UPDATE) Motion for reconsideration, gin-endorso sang DPWH para sa Legacy Construction nga una na gindagdagan sang notice of termination bangud sang tuman ka delay nga road project sa Molo

Iloilo City–Gin-endorso ni Engr. Rodney Gustilo ang motion for reconsideration sang Legacy Construction nga una na ginpadal-an sang notice of termination bangud sa tuman ka delay nga road project sa San Juan Street, Barangay San Antonio, Molo.

Suno kay Gustilo, naghimo sila ni DPWH 6 Director Wenceslao Leaño sang inspection sa proyekto kag nakita nila nga madamo na sang trabahador kag may equipment naman.

Hulaton ni Gustilo ang approval ni Leaño kon i-reconsider ang apelasyon sang Legacy Construction. Sa ila ginsumiter nga motion, nagpromisa ang Legacy Construction nga himuon ang tanan agud matapos ang proyekto sa sulod sang 45 ka adlaw.

Samtang tubtob pa sa Hunyo 25 ang ginhatag sa JHJ Construction nga contractor sang ginakay-o nga dalan sa Timawa Avenue kag Lapuz road agud magpasa sang ila motion. Kon mapaslawan ang JHJ, mahimo sang inventory ang DPWH kag Commission on Audit sa Hunyo 26 kag i-terminate na ang kontrata.