270, nasawayan sa una nga gab-i sang anti-tambay campaign sang ICPO

Iloilo City — 270 ang nasawayan sa una nga gab-i sang dungan nga anti-tambay campaign sang mga police stations sa syudad.

Suno kay Iloilo City Police Office Director Senior Supt Henry Biñas, ginkuha sang police ang ilimnon kag ginpapuli ang mga naga-inom sa sidewalks. 30 ka menor-de-edad naman ang narescue kag 13 ang na-isyuhan sang citation ticket sang Anti-Smoking Task Force.

Gina-implementar sang mga pulis suno kay Biñas ang city ordinance batuk sa pag-inom sa sidewalks halin alas-11 sa gab-i tubtob sa aga kag Curfew for Minors Ordinance lakip na ang ordinansa nga nagadumili sang pagpanigarilyo sa pampuliko nga mga lugar. (JoMaque)