naggold-up sa duha ka call center agents sa Mandurriao kag Jaro, may identify na suno sa ICPO Director

Iloilo City — May identity na ang Iloilo City Police Office sa isa sa duha ka suspek nga naghold-up sa duha ka call center agents sa Mandurriao kag Jaro sang damlag lang.

Pareho ang suspek nga naghimo sang duha ka separado nga paghold-up base sa pagpangusisa sang mga pulis. Suno kay ICPO Director PSSUPT Henry Biñas, nagahimo sang follow-up operation ang intelligence operatives kag ginkadtuan ang area nga posible gina-istaran sang suspek apang wala ini nakita. Nagbalibad si Biñas nga ibuyagyag ang pangalan sang suspek bangud sa padayon nga imbestigasyon apang ginpasalig sini nga nagahulag ang mga pulis.

Bag-o lang guwa sa presuhan ang suspek bangud sa kaso nga robbery suno pa kay Biñas.

Nagapabilin sa ospital si Sofia Camille Gabo, 24 anyos sang Guihulngan, Negros Oriental, matapos ginbanggaan sang riding-in-tandem, ginbuno sa guya kag ilong kag ginkuha ang wallet kag cellphone kahapon sang kaagahon. Natabu ini matapos ang paghold-up man sang riding-in-tandem kay alyas Tin-Tin sa Boardwalk area sa Diversion Road, Mandurriao Biernes sang kaagahon. Nakuha kay Tin-Tin ang P18,000 nga cash nga nasulod sa iya bag nga gin-agaw sang mga suspek. (JoMaque)