Duha patay, isa pilason sa aksidente sa Tubungan

Tubungan, Iloilo–Duha ang patay, isa ang pilason sang na-aksidente ang depasahero nga jeep sa Barangay Igtuble, Tubungan kaina sang aga.

Suno kay Inspector Enrie Mar Madriñan, acting chief sang Tubungan MPS, naglamsot ang preno gani  naglumpat ang mga sakay sa kahadlok nga makabunggo ang jeep.

Dead-on-arrival sa ospital ang senior citizen nga si Angelina Talaman, 70 anyos samtang napatay pasado ala-1 kaina sang hapon si Vilma Macote, 30 anyos.

Padayon naman nga ginabulong sa ospital si Jinky Caro, 30 anyos. (AGB)