PRO 6, nagpasalig nga ginasunod nila ang due process kag ginarespeto ang tawhanon nga kinamatarong sa pag-conduct sang police operations

Iloilo City — Ginasunod sang Police Regional Office 6 ang due process kag human rights. Pag-athag ini ni PRO 6 Director John Bulalacao matapos ang sunod-sunod na pag-target sa barangay officials nga gina-angut sa illegal drugs.

Ginatumod ni Bulalacao ang pagtiro patay kay Bakhaw, Mandurriao Punong Barangay Remia Prevendido-Gregori sa San Joaquin sang Domingo kag pagserbe sang search warrant kay Tanza Esperanza, City Proper Punong Barangay Noel ‘Nene’ Odicta kahapon sang kaagahon. Suno kay Bulalacao, wala sang polisa ang Philippine National Police nga pagpamatay sa mga drug suspects.

Ang natabu suno sa iya kay Andrew Altas, isa sa lima ka subjects sang search warrant sa Tanza Esperanza, napatay ini bangud nga una nga nagbato sa mga otoridad. Gina-imbestigaran pa man ang pagpatay kay Prevendido-Gregori.

Ginpasalig naman ni Bulalacao nga kontrolado sang mga pulis ang seguridad sa Western Visayas kag ginakonsiderar nga isolated ang natabu sa San Joaquin sa diin ginpahayag nga 10 ka armado nga mga lalaki ang nagsulong sa beach resort sang mga Prevendido. (JoMaque)