(UPDATE) Special Investigation team, gintukod na agud imbestigaran ang pagpatay kay Bakhaw, Mandurriao Punong Barangay Remia Prevendido-Gregori

Iloilo City–Natukod na ang Special Investigation Team agud mag-imbestigar sa pagpatay kay Bakhaw, Mandurriao Punong Barangay Remia Prevendido-Gregori.

Ginconfirmar ni Iloilo Police Provincial Office Director Senior Supt Marlon Tayaba ang pagtukod sang Ang SIT Remia Gregori Murder Case. Gin-athag ni Tayaba nga Special Investigation Team ang gintukod bangud sa provincial level ini nga imbestigasyon.

Kon Special Investigation Task Group naman ang tukuron, dapat suno kay Tayaba nga maghalin sa Police Regional Office 6 ang mandu.

Napatay si Prevendido-Gregori kag ang yaya sang iya apo nga si Analee Antipatia matapos gintiro sa beach resort sang ila pamilya sa Igcadlum, San Joaquin sang Hunyo 24. Napilasan man ang bana sang punong barangay.

Naghingyo ang pamilya suno sa San Joaquin police nga patapuson lang ang lubong sang punong barangay antes sila maghatag sang pahayag sa natabu. Si Prevendido-Gregori ang utod ni the late PDEA identified drug group leader Richard Prevendido. (AGB)