(UPDATE) Ilonggo OFW nga ginpreso sa Saudi Arabia matapos ginreklamo ang iya amo, nakapauli na sa Iloilo

Iloilo City–Nakapauli na sa syudad sang Iloilo halin sa Riyadh, Saudi Arabia si Reddy Villaruz, ang Ilonggo OFW nga ginpreso sang pila ka adlaw matapos nagreklamo batuk sa iya amo.

Anum ka bulan nga nagtiner sa Riyadh si Villaruz antes nagpangayo sang bulig sa Overseas Workers Welfare Administration kag sa Aksyon Radyo Iloilo bangud ginapahog sang iya amo sang Marso. Disyembre 2017 sang nagpadulong sa Saudi Si Villaruz.

Nagreklamo si Villaruz bangud waiter ang iya gin-aplayan sa Riyadh apang griller ang naabtan nga trabaho.

Nagahulat na lang sang livelihood assistance halin sa OWWA si Villaruz.

Pila man ka semana nga nagtiner sa iya abyan sa Manila si Villaruz sang nag-abot ini halin sa Riyadh bangud wala siya sang pamasahe pauli sa Iloilo tubtub nga ginbuligan sang OWWA. (AGB)