CCTV footage sang mga suspek nga nagtiro-patay kay Bakhaw, Mandurriao PB Remia Prevendido Gregori, nakuha sang San Joaquin Police
San Joaquin, Iloilo — Nakakuha sang CCTV footage ang San Joaquin police sa mga suspek nga nagtiro patay kay Bakhaw, Mandurriao Punong Barangay Remia Prevendido-Gregori.
Suno kay Senior Inspector Asencion Ortizo, hepe sang San Joaquin Police Station, na-capture sang CCTV camera malapit sa beach resort sang pamilya sang punong barangay sa Barangay Igcadlum ang mga suspects apang tuman ka buron gani indi klaro ang hitsura.
Lima ang suspek suno kay Ortizo kag suno sa mga testigo, nagsakay ang mga ini sa duha ka Toyota Vios pakadto sa direksyon sang Antique pagkatapos sang krimen.
Nagabulig ang San Joaquin police sa Special Investigation Team nga gintukod sang Iloilo Police Provincial Office agud mag-imbestigar.
Nalubong na kahapon si Prevendido-Gregori. (JoMaque)