December 1, 2021

Mga GSIS Pensioners nga wala makapa-revalidate sang ila account, indi makabaton sang pension

Read Time:1 Minute, 18 Second

Iloilo — Nagpanawagan ang tagdumalahan sang Government Service Insurance System sa ila mga miembro nga magparevalidate sang ila account agud padayon nga makabaton sang pension.

Suno kay Ms. Ma. Vilma Fuentes, GSIS-Iloilo Branch Manager, kinahanglan magparevalidate sang mga miembro nga 79-anyos kag panubo ang edad.

Sa mga miembro sa amo nga age bracket kag indi makaproseso personal sang revalidation bangud sang ila medical condition, mahimo magproseso para sa ila ang ila himata apang kinahanglan sang barangay certification.

Exempted naman sa Annual Pensioner Information Revalidation ang mga miembro nga 80-anyos kag pasaka ang edad.

Kinahanglan magparevalidate suno kay Fuentes sang mga miembro kada tuig kadungan sa ila birthday.

Para magparevalidate, magdala lang sang ila card sa GSIS Wireless Automated Processing System nga nahamtang sa Provincial Capitol, City Hall, West Visayas State University ukon Robinson’s Iloilo.

Mahimo man makaparevalidate sa mga GSIS WAPS nga nahamtang sa Lambunao, Cabatuan, Passi City, Pototan, Barotac Nuevo, Estancia kag Guimbal.

May mga GSIS WAPS man sa Guimaras, Kalibo kag Aklan suno kay Fuentes.

Sa mga miembro nga indi klaro ang mga impormasyon sa ID, magkadto lang sa opisina sang GSIS-Iloilo sa Zamora Street, City Proper.

Ginpahayag ni Fuentes nga nagpa-alinton na sila sa mga miembro antes pa man ang deadline sang mass revalidation sang Hunyo 30.

Sa mga miembro nga nag-apply sa revalidation subong nga bulan, mahimo nila mabaton ang ila pension sa Agosto kadungan sang ila pension sa amo nga bulan.

Ginabanta 6,000 pa ka mga miembro sang GSIS sa Iloilo ang wala nakaparevalidate sang ila account. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post CCTV footage sang mga suspek nga nagtiro-patay kay Bakhaw, Mandurriao PB Remia Prevendido Gregori, nakuha sang San Joaquin Police
Next post Presidente sang Youth Proyekto Philippines kag organizer sang Mister Iloilo 2018, nagdepensa sa reklamo sang mga winners nga wala nakabaton sang ila premyo