Presidente sang Youth Proyekto Philippines kag organizer sang Mister Iloilo 2018, nagdepensa sa reklamo sang mga winners nga wala nakabaton sang ila premyo

Iloilo City — Nagdepensa ang presidente sang Youth Proyekto Philippines nga si Daniel Agan matapos nagreklamo ang mga winners sang Mister Iloilo 2018 nga wala nahatag ang ila cash prizes.

Ang Youth Proyekto Philippines ang organizer sang nasambit nga pageant. Suno kay Agan, makapila ka beses nga ginpatawag ang mga kandidato antes ang pageant night kag ginpaathag sa ila ang nahanungod sa ila prizes.

Ginpapirma man sila sang kontrata suno kay Agan nga ila tumanon ang katungdanan kasubong sang pagconduct sang community service.. Ginklaro man ni Agan nga leadership kag advocay project ang programa kag kuntani indi magtulok sa prizes ang mga kandidato.

Nagpasalig man ini nga lubaron ang problema sa tunga nila kag sang mga winners. (JoMaque)