(UPDATE) Apat sa pito ka barangay kagawad sang Bakhaw, Mandurriao, nakasabat na sa memorandum sang city DILG angut sa report nga wala sila nagtestigo sa buy bust operation

Iloilo City–Nakadepende sa mga brgy kagawad sang Bakhaw, Mandurriao sa termino ni the late punong barangay Remia Prevendido Gregori kun sabton ang ginpadala nga sulat sang city DILG agud magpa-athag sa ginpahayag indi pagwitness sa inventory sa buy bust operation sa ila barangay sang Hunyo 21.

Suno kay city DILG Director Atty. Ferdinand Panes, apat pa lang sa pito ka mga barangay kagawad ang nakasumiter sang ila paathag tubtob kaina sang aga.

Base sa sulat sang City Drug Enforcement Unit nga ginpadala kay Panes, ginpahayag nga wala nagwitness sa inventory ang mga barangay kagawad sadtu nga sanday Norberto Prevendido, Yorelinda Palomo, Joel Alvarado, Ronnie Tejam kag Norberto Balasa agud makalikaw nga mangin witness sa inventory. Ginlakip man sa sulat ang brgy tanod nga si Ricardo Halaman kag brgy treasurer nga si Gemma Palmos.

Una na ginpahayag ni Alvarado, nagapungko subong nga punong barangay, nga wala siya sa ila balay sang Hunyo 21. Suno naman kay Palomo, nga may trabaho siya sang amo nga adlaw.

Yara naman naman si Balasa sa Canada sugod sang Abril, 2018. (AGB)