Duha ka sunod-sunod nga pagpangtiro sa syudad sang riding-in-tandem, isolated case — ICPO Director Henry Biñas

Iloilo City — Ginakabig nga islated case sang Iloilo City Police Office (ICPO) ang duha ka sunod-sunod nga shooting incidents sa syudad.

Gintiro patay sang riding-in-tandem ang negosyante nga si Ranny Bibanco sang Hulyo 13 sang aga sa guwa sang Iloilo Terminal Market. Kahapon naman, gintiro patay sang riding-in-tandem ang tricycle driver nga si Ely Tipanan sa Lopez Jaena Sur, Lapaz.

Posible suno kay ICPO Director Henry Biñas nga ‘guns-for-hire’ ang riding-in-tandem ukon kakilala sang mga biktima ang suspects. Ginpasiguro ni Biñas nga ila pasangkaron ang imbestigasyon kag usisaon ang tanan nga anggulo.

Nagapati man si Biñas nga indi lang isa ka grupo ang nagpatay kanday Bibanco kag Tipanan. Gin-ako ni Biñas nga madamo na sila sang nabaton nga impormasyon angut sa duha ka insidente kag ini ang ila ginapadalman. (JoMaque)