Lalaki, napilasan sa liog matapos nabun-an sa rambol

San Miguel, Iloilo — Na-ospital ang lalaki nga nabun-an sa rambol sa Barangay 1 Poblacion, San Miguel kagab-i. May pilas sa liog si Nelson Cabril, 32 anyos sang Barangay 15 sa amo man nga banwa.

Suno kay Po2 Art Arturo sang San Miguel Police Station, kaupod sang biktima ang iya utod nga si Sandy Cabril, 22 anyos kag bayaw nga si Elmar Cagarin, 26 anyos sang Agboy Sur, Leon sang nasugata sa tinapayan ang mag-utod nga Rick Francis Montaño, 25 anyos kag Albert Montaño, 29 anyos sang Igtambo, San Miguel. Ginpahayag nga may daan nga hiligut-anon ang magtimbang nga grupo rason nga nag-inaway tubtob nabun-an si Nelson.

Gindala sa Western Visayas Medical Center ang biktima samtang preso sa San Miguel Police Station ang apat pa bangud sa alarm and scandal. (JoMaque)