Ilonggo boxing analyst, nagapati nga madamo pa sang masunod nga dalagku nga sambuwa si fighting Sen. Manny Pacquiao kasunod sang kadalag-an sini batuk kay Argentinian boxer Lucas Matthysse

Iloilo City — Nagapati si Ilonggo boxing analyst kag former LTFRB 6 Director Porferio Clavel nga madamo pa nga mas dalagko nga boxing fights ang sudlan ni fighting senator Manny Pacquiao.

Ini matapos naagaw ni Pacquiao kay Argentine boxer Lucas Matthysse ang World Boxing Association welterweight title sa ila sambuwa sa Kuala Lumpur, Malaysia kahapon.

Suno kay Clavel, lakip sa posible maatubang ni Pacquiao sanday American boxer Terrence Crowford, Gennady Gennadyevich Golovkin ukon Triple G sang Kazakhstan kag si Ukrainian boxer Vasyl Anatoliyovich Lomachenko.

Sa amo nga mga kasumpong, halalungan ni Pacquiao si Crawford suno kay Clavel bangud makabig superior na ang iya speed, power kag style. Kun magtingub naman ang Top Rank Promotions ni Bob Arum, Golden Boy Promotion ni Oscar de la Hoya kag MP Promotions ni Pacquiao, nagapati si Clavel nga mas madamo pa nga exciting kag sensational nga mga boxing fights ang makita sang publiko.  (JoMaque)