CIPJODA, handa nga magbulig sa paghakot sang mga pasahero pasulod sa syudad kada Lunes sang aga

Iloilo City — Handa magbulig ang Confederation of Iloilo Jeepney Owners and Drivers Association ukon CIPJODA sa paghakut sang mga pasahero pasulod sa syudad.

Suno kay CIPJODA President Ronnie Almendral, madugay na gid man nila ginahingyo nga makadiretso sa Iloilo Terminal Market nga may karga nga mga pasahero. Sa subong sa car pass system, ginapasugtan lang ang mga provincial jeepneys nga magdiretso sa terminal market kon nga may cargo nga idul-ong apang dapat may cargo pass.

Nag-obserbar si Public Safety and Transportation Management Office Head Jeck Conlu upod sa city loop transport groups sang Lunes sang aga agud mahibaluan ang matuod nga rason kon ngaa nagakadelay ang pagbalik sang depasahero nga mga jeep sa mga terminals gani madamo nga pasahero ang nagaka-stranded.

Kasunod sini, nagpasugot si Iloilo City Loop Alliance of Jeepney Owners and Drivers Association ukon ICLAJODA President Boyet Parcon sa suhestyun ni Conlu nga tugtan ang mga provincial jeepneys nga magsulod sa syudad kada Lunes sang aga. (JoMaque)