(UPDATE) BJMP 6 Director, nanindugan nga napahibalo ang warden sang Iloilo District Jail angut sa ginpahayag padayon nga illegal drug transactions ni former Barangay Kagawad Jingjing Espinosa bisan napreso

BJMP 6 office, Iloilo City–Nanindugan si Bureau of Jail Management and Penology 6 Director Jail Sr Supt Joel Superficial nga ginpahibalo si Jail Superintendent Vicente Papelera, warden sang Iloilo District Jail sa Nanga, Pototan natuhoy sa ginpahayag padayon nga illegal drug transactions ni former Monica-Blumentritt, City Proper Brgy. Kagawad Jesus “Jingjing” Espinosa.

Suno kay Superficial, ginpahibalo si Papelera antes pa man siya nagpungko bilang warden sa IDJ sang Hunyo 1.

Una na ginpahayag ni Papelera nga wala siya sang may nabaton nga kasubong nga impormasyon.

Si Police Regional Office 6 Director PCSUPT John Bulalacao ang nagbuyagyag sa interview sang Aksyon Radyo Iloilo nga may impormasyon sang padayon nga illegal drug transactions ni Espinosa bisan nga preso kag nagapakighimbon sa iya ang pila ka jail personnel. (AGB)