Maglive-in partner, gintiro patay sa Sibalom, Antique; police, wala pa sang identity sang suspek

Antique–Patay na sang nasapwan ang mag-live in sa Barangay Cubay Napultan, Sibalom pasado las singko kaina sang kaagahon, Hulyo 20.

Sakay sa motorsiklo sanday Atila John Villavert, 25-anyos sang San Jose kag Nikki Latuga, 20-anyos sang Bungsod, Sibalom sang gintiro.

Nakabati sang lupok ang mga residente pasado las-12 kaina sang tungang gab-i, Hulyo 20, antes nasapwan ang bangkay sang duha mga alas-6 kaina sang aha.

Base sa report, antes kay Villavert, si Latuga ang may karelasyon sadto nga ginakabig High Value Target drug personality nga nadakpan kag napreso na.

Ginapadalman pa sang Sibalom police ang motibo kag identity sang mga suspetsado. (AGB)