December 1, 2021

(UPDATE) Pag-appoint ni Mayor Joe Espinosa sang bag-o nga set sang Board of Directors sang Metro Iloilo Water District, nagtuga sang kinagamo suno sa MIWD Corporate Secretary; Mayor Espinosa, nag-react sa pagpasaka sang kaso sa iya sang MIWD

Read Time:52 Second

Iloilo City–Nagresulta sa kinagamo ang pag-appoint ni Mayor Joe Espinosa sang bag-o nga board of directors sang Metro Iloilo Water District.

Suno kay MIWD corporate secretary Atty. Cyril Regalado, kuntani gin-istoryahan anay ang sitwasyon agud malikawan ang mga problema. Nanindugan si Atty. Regalado nga wala niya ginakilala ang appointment ni Espinosa bangud may nagapungko pa nga mga miembro sang Board.

Ginpasaka sang MIWD sa Ombudsman ang duha ka counts sang Usurpation of Official Functions kag Graft and Corrupt Practice, Grave Abuse of Authority, Gross Negligence, Gross Misconduct kag Acts Contrary to the Law batuk kay Espinosa kahapon.

Una na ginpanindugan ni Espinosa nga base sa desisyon sa korte suprema ang iya desisyon nga mag-appoint sang bag-o nga set sang mga directors sang MIWD.

Ginpahayag pa ni Espinosa nga ginapakigbato niya lang ang kinamatarung sang syudad bilang majority consumers sang MIWD. Ginapaminsar man sang alkalde nga balikan sang kaso ang padayon nga pagpungko sang mga Board of Directors sang MIWD bisan may bag-o siya nga ginpang-appoint. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post PSTMO Kag Pila Ka Opisyal Sa Syudad Magasapol Agud Masolusyonan Ang Problema Liwat Sa Pagdamo Sang Mga Badjao
Next post Maglive-in partner, gintiro patay sa Sibalom, Antique; police, wala pa sang identity sang suspek