Bangkay sang maestro sang John B. Lacson Maritime University, nasapwan sa apartment sa Arevalo

Iloilo City — Yara na sa advance state of decomposition ang bangkay sang senior high teacher sang John B. Lacson Foundation Maritime University sang nasapwan sa gina-arkilahan sini nga apartment sa yulo drive Arevalo kagab-i (Hulyo 22).

Suno kay Chief Inspector Hilarion Roga sang Scene of the Crime Operatives ukon SOCO tatlo ka adlaw na nga patay si Mark Eden Ellaga sang Patnongon, Antique sang nasapwan sa room 3-C sa second floor sang Arthur’s Villas.  Ginpahayag ni Roga nga nagakulob sang nasapwan ang maestro.

Gindala sa funeral homes ang bangkay kag natalana ipaidalum sa autopsy. Imbestigaran man kon bala may foul play sa kamatayon sang maestro.

June 12 sang nag-arkila sang kwarto ang maestro sa Arthur’s Villas sa balor nga P6, 500 kada bulan. (JoMaque)