December 4, 2021

MAGBAYAW GINBUNO SANG KASILINGAN SA BELASYONAN SA JANIUAY; 1 PATAY, 1 NA-OSPITAL

Read Time:58 Second

Janiuay, Iloilo– Patay ang 45-anyos nga lalaki samtang pilason ang 42-anyos niya nga bayaw matapos ginbuno sang ila kasilingan sa belasyunan sa Brgy. Dabong kagab-i (Hulyo 21).

Suno kay PO3 John Robles, imbestigador sang Janiuay Municipal Police Station, nagahampang sang pusoy ang biktima nga si Joseph Matunding Estrada kag ang suspetsado nga si Arian Minetiva, 19-anyos, lunsay pumuluyo sang amo nga barangay antes nagluntad ang krimen.

Nagsuay si Minetiva kag ang nagameron sa iya nga si Emilio Buscar, bayaw ni Estrada, suno sa pulis tubtob nga ginhampak ni Buscar ni Minetiva sang cellphone sa guya.

Hinali naman nga ginkuha sang suspetsado ang iya kutsilyo suno sa pulis kag ginbuno si Buscar.

Padayon nga ginabulong sa ospital si Buscar nga may apat ka pilas sa tiyan kag wala nga kamot.

Dead on arrival naman sa ospital si Estrada kasunod sang insidente.

Sa imbestigasyon sang pulis, matambag kuntani si Estrada apang ginbuno man siya sa tiyan sang suspetsado. Suno sa pulis, naguluwa gid ang kasudlan ni Estrada matapos ginbuno.

Gilayon naman nga nagpalagyo ang suspetsado kasunod sang krimen.

Wala sang daan nga hiligutanon ang mga biktima kag suspetsado suno sa pulis. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Bangkay sang maestro sang John B. Lacson Maritime University, nasapwan sa apartment sa Arevalo
Next post BABAYE NGA GINAPATIHAN MAY DEPERENSYA SA PAMINSARON, NASAPWAN NGA PATAY SA BANWA SANG SAN RAFAEL