NEWSPAPER PUBLISHER, NAGPABLOTTER NGA GINPAHUG SANG DISMISSED POLICE OFFICER; ANAY PULIS, NANGINWALA SA AKUSASYON
Iloilo City – Ginpablotter ni Mr. Lemuel Fernandez, publisher sang The Daily Guardian newspaper, sa Mandurriao Police Station ang ginakabig sini pamahug sa iya ni dismissed PCI Charlie Sustento.
Suno kay Fernandez, gintawgan siya ni Provincial Legal Officer Dennis Ventilacion sang Huwebes, Hulyo 19, kag ginpahibalo nga naga-alburuto si Sustento kag nag-isyu sang pamahug para kay Fernandez.
Base sa blotter, ginhimo ni Sustento ang pamahug sa SM City samtang kaupod ni Ventilacion sanday Mina Mayor Rey Grabato, SB Member Norlyn Losbañez, Mr. Panoy Gonzales kag Mr. Francis Terania.
Nanginwala naman si Sustento nga ginpahug niya si Fernandez. Ginpahayag ni Sustento nga siya ang ginapahug kag ginapasundan bisan nga siya na ang na-dismiss.
Suno kay Sustento, ginapa-casing siya sa mga pulis nga na-angut sa isa ka pulitiko kag may mga litrato siya nga makapamatuod sini. (JoMaque)