Relief order sang PRO 6 sa 4 ka chiefs-of-police sa probinsya, gin-apelar sang IPPO

Iloilo–Ginconfirmar ni Iloilo Police Provincial Office Director PSSUPT Marlon Tayaba nga gin-apelar niya ang relief order sang apat sa lima ka mga chiefs-of-police nga gin-isyu sang Kampo Delgado epektibu Hulyo 23 bangud sang pigado nga performance.

Suno kay Tayaba, ginsumiter niya ang apelasyon upod sa request sang mga local chief executives sa Mina, San Rafael, Bingawan kag Leon nga satisfied sila sa performance sang ila mga hepe.

Magluwas sa parametro nga kampanya kontra illegal nga droga, illegal gambling kag iban nga kriminalidad, kinahanglan man suno kay Tayaba nga makonsiderar ang sitwasyon sang kada banwa sa pagpablin sang kalinong kag katawhay.

Ginpahayag ni tayaba nga nangin maayo sa crime solution efficiency, crime prevention kag pagsabat sa anti-insurgency nga problema ang apat ka mga hepe. (AGB)