PANDAY NATIRUHAN SANG EMPLEYADO SANG MUNISIPYO SA OTON
Oton, Iloilo – Pilason ang panday matapos natiruhan sang empleyado sang munisipyo sa balay ilimnan kag kantahan sa Barangay Poblacion South, Oton.
May lima ka pilas sa lawas ang biktima nga si William Panoncio sang Barangay Cabanbanan sang amo nga banwa.
Suno sa responder sang Oton Search and Rescue Team ukon OSART nga nagdala sa iya sa ospital, may pilas si Panoncio sa abaga, butkon kag tiyan.
Concious man ini sang gindala sa sa The Medical City Hospital.
Ginatudlo nga nagtiro sa iya ang empleyado sang SB Office sang Oton Municipal Hall nga si Jobert Olampong, 39 anyos nga residente sang Poblacion East.
Apat ka basiyo sang super .38 ang narecover sang mga pulis sa ginluntaran sang krimen.
Si Olampong ang anak sang anay police.
(ATT)