Rural bank of Buenavista sa Guimaras, gin-take over sang Philippine Deposit Insurance Corporation

Guimaras–Gin-take over sang Philippine Deposit Insurance Corporation ang Bangko Buena ukon Rural Bank of Buenavista sa Guimaras.

Suno kay Mr. Edzel Aurelia sang PDIC, gintake-over nila ang bangko kasunod man sang mandu halin sa Bangko Sentral ng Pilipinas. Nagbalibad nga magdetalye si Aurelia sang problema.

Nagpangabay naman si Aurelia sa mga depositors nga hatagan sila sang tiempo agud maplastar ang tanan.

Nagpasalig ang PDIC nga mabalik ang kuwarta sang mga depositors sang 100% tubtob sa P500,000 nga deposito. (AGB)