(UPDATE) Suspek sa pagtiro sa panday sa Oton, nagsurrender

Oton, Iloilo–Nagsurrender ang 32-anyos nga driver sang Sangguniang Bayan Office sa LGU-Oton nga suspect sa pagtiro sa panday kagab-i.

Suno kay Chief Inspector Gervinson Moyo, hepe sang Oton Municipal Police Station, posible naakig ang suspetsado nga si Jobert Jolampong, tumandok sang amo nga banwa,  matapos naihi-an sang biktima nga si William Panoncio, 32-anyos sang Brgy. Cabanbanan ang iya salakyan.

Nagsuay tubtob nga nagsumbaganay sanday Jolampong kag Panoncio suno kay Moyo. Naglakat ang suspect apang nagbalik sa lugar kag gintiro ang biktima.

Natabu ang pagpangtiro sa balay ilimnan sa Poblacion South, Oton.

Padayon nga ginabulong sa ospital si Panoncio nga may duha ka pilas sa tiyan kag wala nga abaga kag butkon.

Sa imbestigasyon sang mga pulis, may daan nga hiligut-anon ang magtimbang nga kampo.

Nagbalibad nga magpa-interview ang suspek. (AGB)