Canadian nga nagmaoy kag nag-eskandalo sa hotel, gin-aresto

Iloilo City — Gin-aresto ang Canadian nga si Preben Chistensen matapos ginpahayag nagmaoy kag nag-eskandalo sa Grand Xing Imperial Hotel sa President Roxas, City Proper alas 4:40 kahapon sang kaagahon (July 29).

Suno kay PO3 Alberto Espinosa, duty investigator sang City Proper Police Station, tuman ka hubog ang foreigner kag ginabuyayaw ang iban nga customers nga Pinoy sang hotel. Preso ang Canadian kag natalana pasakaan sang kaso nga alarm and scandal. (JoMaque)