Contractor sa road project sa San Juan St., Brgy. San Antonio,Molo, may 10 ka adlaw na lang agud tapuson ang proyekto
Iloilo City – 10 ka adlaw na lang ang nabilin sa 45 ka adlaw nga ginkomiter sang Legacy Construction agud tapuson ang ginakay-o nga San Juan Street sa San Antonio, Molo as of July 30, 2018.
Mayo 20 subong nga tuig ang orihinal nga expiration sang kontrata pero gin-revise sa Hunyo 19, 2018.
Naghingyo suno kay Engr. Rodney Gustilo, head sang DPWH Iloilo City District Engineering Office, ang contractor nga hatagan sila sang 45 ka adlaw agud matapos ang road project kag ginpasugtan man nila.
As of June 25, 2018, 72.25% na ang accomplishment sa lugar; -27.75 naman ang slippage.
Suno kay Gustilo, kon matapos na ang 45 ka adlaw kag wala gihapon makumpleto ang proyekto pero 5-10% na lang ang bilin, patapuson na lang ang nila ang pag-obra imbes nga i-terminate pa ang kontrata.
Padayon man suno kay Gustilo ang pagsukot sa liquidated damages sa Legacy Construction. (JoMaque)