National Police Commission 6 Director Joseph Celis, nagpahayag nga indi ma-apply ang tinaga nga ‘snappy’ sa mga PO1

Iloilo City–Nangin prangka si Atty, Joseph Celis, Director sang National Police Commission (Napolcom) VI sa paghambal may kaangtanan sa mga obserbasyon sini sa mga bag-o nga police.

Suno kay Celis, sala ang paghangup sang mga Police Officers 1 sa “pag-professionalize” sa mga katapo sang Philippine National Police (PNP). Nagdaku suno sa iya ang ulo sang mga PO1 kag ginapadayaw nila sa mga tigulang na nga police nga board passer sila. Nagatuga ini suno sa iya sang demoralisasyon sa mga “old police” nga indi board passer. Ini suno sa iya ang rason nga gina-isa-isa bisita sang Napolcom ang mga police stations sa rehiyon agud mapahanumdom ang mga police nga dapat pati sa ila panggawi kag attitude mangin professional sila.

‘LOUSY GID YA’

Isa sa naobserbahan ni Celis sang nagpadulong ini sa Regional Training School 6 sang Philippine Public Safety College sa Bakyas, Mansilingan, Bacolod City ang ka-lousy sang mga trainees. May PO1 suno sa iya nga nagpang-zipper kag wala dayon nagporma sang ginmanduan nga mag-form. Madamo suno sa iya sa mga trainees ang naghutik-hutik pa kag naga-istorya.

Suno sa iya, “Lousy gid ya. Wala na sang word nga ‘snappy’ sa mga PO1.” (AGB/MDO)