(UPDATE) City Administrator Atty Hernando Galvez, nagpa-athag sa indi pag-renew sang pila ka mga job hires

Iloilo City–Gin-ako ni City Administrator Atty. Hernando Galvez nga wala niya gin-renew ang job orders sang ginabanta 46 ka job hires sa idalum sang Beautification program sang syudad bangud luyag niya ma-distribute ang mga responsibilidad sa tagsa ka barangay.

Suno kay Galvez, ma-hire siya sang job hires sa tagsa ka barangay agud indi maguwa nga isa lang ka barangay ang may responsibilidad sa pagpatahum sang isa ka lugar.

Base sa record ni Galvez, natukiban nga taga-Brgy. Sto Rosario Duran, City Proper ang 46 ka job hires.

Ginapahayag Galvez nga sang gin-designar siya nga OIC City Administrator sang July 18, 2016, isa sa mga ginrekomendar niya kay anay Mayor Jed Patrick Mabilog nga i-review ang programa kag ihatag sa departamento nga may logical connection ang trabaho sa pag-beautify sa syudad pareho sang City Environment and Natural Resources Office ukon CENRO kag City Agriculturist Office.

Sang damlag lang, gindesignar ni Mayor Joe Espinosa si City Agriculturist Romulo Pangantihon bilang bag-o nga head sang Beautification Program kasunod sang pag-resign ni City Budget Officer Ninda Atinado. (AGB)