Hepe sang Passi City Police Station, gin-relieve kasunod sang on-the-spot inspection ni PRO 6 Director John Bulalacao

Kampo Delgado, Iloilo City–Ginkakas ang hepe sang Passi City Police Station kag gin-ilisan kasunod sang on-the-spot inspection ni Police Regional Office 6 Director Chief Supt. John Bulalacao.

Gin-relieve si Supt. Norberto Delmas kag ginsaylo sa Aklan. Ginbutang nga bag-o nga hepe sang Passi City Police Station si Supt. Arturo Fullero halin sa Iloilo Police Provincial Office Headquarters.

Natukiban ni Bulalacao nga tag-walo ka oras lang ang pagpa-duty ni Delmas sa iya mga pulis imbes nga 12 ka oras base sa ila guidelines.

Disappointed man si Bulalacao nga wala nakalab-ut sa 85% sang kabug-usan nga numero sang mga uniformed personnel ang nakaduty bangud sa duty scheme nga ginamandu sang PNP. (AGB)