(UPDATE) 1 sa 2 ka suspek sa pagpatay sa tanod sa Maasin, gintudlo ang iya kaupod nga construction worker nga nangamot sang krimen

Maasin, Iloilo–Wala sang ideya si Jeo Jhim “Panoynoy” Palermo sang Brgy. Arac, Passi City sa motibo kon ngaa ginbuno kag gingulgolan sang leog sang iya upod nga construction worker ang barangay tanod nga nasapwan sa Bagacay East, Maasin.

Suno kay Palermo, nakita niya na lang nga ginabuno ni Delmer Tingson, 21 anyos sang Barangay Layog, Maasin si Emilio Macaya, 55 anyos.

Indi man kilala ni Palermo si Macaya bangud naghapit lang ini sa ila kag nagpamangkot kon taga-diin sila. Wala sang nabatian nga pagbaisay si Palermo sa tunga nanday Tingson kag Mcaya antes niya nakita ang pagbuno sa biktima.

Ginpahayag ni Palermo nga nagsulod siya sa kuwarto matapos nakita ang insidente bangud sa kakulba apang ginhagad siya sang suspek nga buligan ini sa pagtuwang sa biktima.

Ginapanindugan ni Palermo nga wala siya sang partisipasyon sa krimen gani nagpangisog siya nga magsurrender. (AGB)