(UPDATE) Mga naapektuhan sang landslide sa Igbaras, ginpanugyanan nga indi na magbalik sa ila lugar

Igbaras, Iloilo–Ginapanugyanan ang mga pumuluyo sa Sitio Rumbang kag Sitio Babaoy, Brgy. Igpigus nga indi na magbalik sa ila lugar kasunod sang landslide sang Agosto 4 sang kaagahon.

Ginpahayag ni  Municipal Disaster Risk Reduction and Management Office head Wilfredo Delgado nga delikado ang amu nga lugar matapos gin-assess sang Mines and Geo-sciences Bureau sang Department of Environment and Natural Resources sang nagligad nga tuig. Nahambalan man suno sa iya ang mga residente nga mag-evacuate sila sa kon magdamol ang ulan.

22 ka balay ang apektado sa landslide — 12 ang natabunan sang duta kag 10 pa ang totally damaged suno kay Delgado. (AGB)

(Photo from LGU-Igbaras)