Duha ka eskwelahan sa Ajuy, ginransak

Ajuy, Iloilo–Ginransak ang duha ka eskwelahan sa Ajuy.

Una natukiban sang utility worker nga si Emilio Magbanua nga nadula ang padlock kag bukas ang pwertahan sang Cashier’s Office sang Ajuy National High School sa Barangay San Antonio mga alas-6:30 kaina sang aga. Nadula sa vault nga nasulod sa steel cabinet ang ginabanta P50,000 nga cash.

Mga alas-7 naman sang aga, natukiban sang tatlo ka security guard nga bukas ang Registrar’s Office sa Northern Iloilo Polytechnic State College ukon NIPSC kag nadula ang P4,000 nga cash. Wala naman nataban ang P60,000 nga malapit lang sa ginataguan sang kwarta nga nadula.

Gina-imbestigaran pa sang Ajuy police ang identity sang mga suspek. (AGB)