Mayor Joe Espinosa, nagaduda nga ginbayaran ang political survey sa diin pierde siya ni Congressman Jerry Treñas sa resulta

Iloilo City–Nagaduda si Mayor Joe Espinosa nga ginbayaran ang survey sa pulitika sang RACI.

Base sa resulta sang survey, 62.2% ang pabor kay Congressman Jerry Treñas kag 29.5% kay Espinosa para sa pagka-mayor Ginpahayag ni Espinosa nga dapat pamangkuton kon sin-o ang nagpa-commission sang survey kag ipaguwa ang resulta.

Ginpahayag sang alkalde nga may survey man sang una nga manubo ang iya rating pero siya ang nagdaug nga vice mayor.

Nanginwala naman si Congressman Treñas nga siya ang nagbayad para sa pagpa-survey. Pero nagapati ini sa resulta sang survey base man sa iya experyensya sa nagliligad nga mga eleksyon. (AGB)