Minor landslides, narecord sa pila ka barangay sa Tubungan

Tubungan, Iloilo–Ginconfirmar sang Tubungan police ang minor landslides sa pila ka barangay kasunod sang pag-ulan kahapon.

Suno kay SPO3 Felix Tanago, narecord ang landslides sa Barangay Ago, Nagba, Jolason, Cadabdab, Jona, San Jose kag Navilla. Wala sang balay nga na-apektuhan suno kay Tanago kag malabayan naman ang mga dalan nga natampukan sang duta.

Ginpahayag naman ni Nagba Punong Barangay Alrey Tabunggao nga natiphag ang duta kag nagtupa sa dalan apang na-clear na ang area. (AGB)