AKSYON RADYO ILOILO, OVERALL NUMBER 1 RADIO STATION SA ILOILO–KANTAR MEDIA
Iloilo City–Ginmentinar sang Aksyon Radyo Iloilo ang status sini bilang bag-o nga powerhouse sa Iloilo radio sa AM kag FM bands matapos gindominar sang estasyonan ang pinaka-ulihi nga radio listenership survey base sa resulta nga ginpagguwa sang Kantar Media.
Sa survey nga ginconduct sang Hunyo 25 tubtob Hulyo 1, 2018, sa AM band, ginpamatud-an sang Aksyon Radyo Iloilo ang airwaves supremacy sini paagi sa 37.11 percentage share; nagpangaduha ang Bombo Radyo Iloilo, nga nagdominar sa radyo sa Iloilo sa nakaligad nga tatlo ka dekada—may 35.15 percent share; samtang pangatlo ang RMN nga may 22.09 percent share.
Madumduman nga gindominar man sang Aksyon Radyo ang 3rd quarter survey sang AGB Nielsen sang 2016.
Ang Aksyon Radyo Iloilo man ang numero uno nga estasyonan sa Iloilo sa Kantar Media survey sa last quarter sang amo man nga tuig.
Ang Aksyon Radyo Iloilo ang nakabaton sang distinction sang ginkilala ini sang Kapisanan ng mga Brodkaster ng Pilipinas ukon KBP bilang Best Provincial AM Station sa 24th KBP Golden Dove Awards.
Hugot nga nagapasalamat ang Aksyon Radyo Iloilo sa tanan nga tagpalamati sa inyo padayon nga pagsuporta kag pagsalig sa estasyonan.
Ginakilala sang Aksyon Radyo Iloilo ang pagpangabudlay sang tanan nga katapo sang estasyonan kag padayon nga pagsuporta sang mga tagpalamati sa sini nga kadalag-an.
Panginbulahan man sa Love Radio 97.5, ang sister station sang Aksyon Radyo Iloilo, nga amo ang nagpanguna sa mga FM stations sa Iloilo.
Ang Aksyon Radyo Iloilo kag Love Radio, ginapanag-iyahan sang Manila Broadcasting Company (MBC).
Madamo gid nga salamat mga Ka-aksyon! To God be all the Glory!