Civil Service Commission 6, naga-agda sa publiko nga mag-upod sa ila mga aktibidad sa ika-118 nga anibersaryo sang CSC

Iloilo City–Gin-anunsyar sang Civil Service Commission 6 ang pila ka mga aktibidad nga kabahin sang isa ka bulan nga selebrasyon sang Philippine Civil Service sa Setyembre.

Suno kanday Ramon Refugio Jr kag Megel Tembrevilla sang CSC Region 6, ang mga aktibidad amu ang fun run, government choral competition, paghatag sang awards sa mga outstanding government workers, special treats for civil servants job fair para sa government agencies. Magasugod ang selebrasyon sa simultaneous fun run nga hiwaton sa Setyembre 2.

Gina-agda nanday Refugio kag Tembrevilla ang mga runners nga magpasakup sa amu nga aktibidad.

Katuyuan sini suno sa ila nga makatipon sang pundo para sa ‘Pamanang Lingkod Bayani’ program nga nagapasidungog sa mga public servants nga nagsakripisyo sang ila kabuhi sa pagserbisyo sa mga pumuluyo.

Sa idalum sang programa, ang mga government officials kag employees nga napatay in line of duty ang pagkilalahon sa simple nga seremonya kaupod ang ila pamilya nga magabaton sang plaque of recognition, scholarship grant kag one-time financial assistance nga nagabalor sang P100,000. (AGB)